يامسافات الطريق اللي لخطواتي تشد..
تعبت ازايم قيد رجلي واشدّه..
وياوسم جرح الدمع في صافي الخد..
وش حيلة اللي بان وسمه بخدّه..؟!
عزي لوصلٍ يمنعه غاوي الصد..
لاصاح به داعي الاحاسيس صدّه..
كم لي وانا احايل حروفي على الرد ..؟
وكم لي وانا اتحرى مع الوقت ردّه..!!
وياكم حروفٍ خاطبت فيني الود..
وماكل حرفٍ خاطب القلب وٓده..
نبّت على غصن الهوى زاهي الورد..
وماتت على حر النوى الف وردة..
ياليل انا حيلي من البعد منهد..
طول السهر ومطاول الهم هده..
ياليل يوم اني اساهرك من جد..
يااااكم شكيت وكم سمع بحر جدة..
واليوم ياليل العنى طيري انهد..
عقب البطى زانت للاحرار هدة..!!
هذا وانا ماني على الظيم منحد..
بـ اسل سيف الحرف واضرب بحده..
واذا دعاني للهوى صادق الوجد..
جيته وانا شوقي له اضعاااف وجده...
وان كان جزره بالهوى ما اعلن المد..
وجسر المواصل يم الاشوق مده..
لعنت ابو الأشواق ملعونة الجد..
لا ابوه حب .. ولا أبو جد جده.
