قــهــر..!
لاصار حرماني جروح..
وتغربت بالجسم روح..
والخطوة تاهت بالدروب.. مافادها كثر الهروب..
ولا لقيت لشمعتي..في غربة الظلمة أثر ..!
والله قهر..
في داخلي غربة مشاعر..
حاورتها بلسان شاعر..
تقول هاتي لي وطن ..ماهمني وش هو الثمن..!
تبي توردني الهلاك..وتشوف قلبي يشتعل
نار وجمر... والله قهر
جاوبتها : يامشقيتني..
يامثل ضلعٍ فوق متني..
جيتي من حدود الزمان ..مالك بهالدنيا مكان
شوفي اطباع البشر..!..
دهاء..طِيبة..مع مكر..
كوني لهم أدهى وامَرْ..
ليش القهر..
ترى الغريب زاده صبر...أمانه ذعر..
ومجمل احداث الحياة في دنيته
طبعاً قَدر..!
وان لك على رايي اعتراض..
ابدفنك وسط الصدر..واجوّد اقفال القبر..
القهر ..لاصارت الدنيا كفن..
واجمل مشاعرنا تئن..
وصارت القشة هي اول آمال الغريق... وآآآآآآخر حدود الطريق
وصارت مشاعرنا عيوب..
واصدق عطايانا ذنوب..!
على زمنّا ماتليق..
عندها ابنجبر.. اكسّر قيود الأسر..
والا..؟!
امووووت من القهر..
وانا انتظر ...وانتظر..
يمكن الآقي لي وطن..!
بعيون لاجيء عاطفي..
غريب مثلي منكسر..
له قلب ينبض بالحياة ..
وانا فؤادي يحتضر..!
والله قهر.
