يؤلمني كثيراً فقدان البعض لأهم ماتمتاز به الفطره البشريه السليمه...
ويغتال بفقدانها..أسمى العلاقات الإنسانيه..
الـــــــــــــــــشــــــــــــــيــــــــــــمــــــــــــــه...
اذكر انك تحاليت فيني عالي أخلاقي...
واذكر انك بديت بمدح حرفي وتقييمه......!
واذكر اني تحاليت فيك اسلوبك الراقي...
واذكر اني عليك ابدعت كلمه وترنيمه...
واذكر اني كبحت جماح عشقي وأشواقي...
من الألف لــيــن جاوز خافقي جيمه...!!
رديت عن درب الرزايا والخطا ساقي...!
ونهضت اباري على صدر السما غيمه..!
كنت احسب انك فهمت الدرس يالشاقي..!!
وكنت احسب انه نفع درسي وتعليمه...!
ماكنت اظن ان (الحيا) مرهون بالساقي..؟!
لامات..!..مات..!!..وبان كسره وتهشيمه.!!
ترى الزمن أيام..!!يومين لك باقي..!!
لاصرت ماتفهم انه كل دقه بتعليمه...!
عزِّي لحالٍ على بعض العرب ضاقي..!
والفضل فيما بينهم..ماعاد له قيمه..!!؟
وعزِّي لرجَّالٍ من سبات الهوى فاقي...
فاقد عقل..؟؟..لاااااا والله إلا فاقد الشيمه..!!
